IX адкрыты гарадскі дзіцячы фестываль-конкурс беларускай музыкі

IX адкрыты гарадскі дзіцячы фестываль-конкурс беларускай музыкі ІНСТРУКЦЫЯ
аб парадку арганізацыі i правядзення IX адкрытага гарадскога дзіцячага фестывалю-конкурсу беларускай музыкі

 

1. Сапраўдная інструкцыя вызначае парадак арганізацыі і правядзення IX адкрытага гарадскога дзіцячага фестывалю-конкурсу беларускай музыкі (далей – фестываль-конкурс).

2. Арганізатарамі фестывалю-конкурсу з'яўляюцца аддзел культуры Гродзенскага гарадскога выканаўчага камітэта і дзяржаўная ўстанова адукацыі «Дзіцячая музычная школа мастацтваў № 1 імя Ю.У.Семянякі г. Гродна» (далей – ДУА «Дзіцячая музычная школа мастацтваў № 1 імя Ю.У.Семянякі г. Гродна»).

3. Фестываль-конкурс праводзіцца раз у два гады на базе ўстановы адукацыі «Гродзенскі дзяржаўны музычны каледж» (далей – УА «Гродзенскі дзяржаўны музычны каледж»).

4. Асноўнымі мэтамі фестывалю-конкурсу з'яўляюцца: выхаванне ў падрастаючага пакалення пачуцця патрыятызму і станаўлення грамадскай пазіцыі, заснаванай на любові да нацыянальнай культуры; папулярызацыя беларускай музыкі; выяўленне новых таленавітых выканаўцаў, адораных дзяцей, стварэння спрыяльных умоў для развіцця творчай дзейнасці падрастаючага пакалення; актывізацыя працэсу навучання навучэнцаў дзіцячых школ мастацтваў і ўстаноў агульнай сярэдняй адукацыі.

5. Інфармацыя аб правядзенні фестывалю-конкурсу размяшчаецца на афіцыйным сайце ДУА «Дзіцячая музычная школа мастацтваў № 1 імя Ю.У.Семянякі г. Гродна» http://music-school.by/.

6. У фестывалі-конкурсе могуць прымаць удзел навучэнцы:

- дзяржаўных устаноў адукацыі сферы культуры;

- музычных класаў устаноў агульнай сярэдняй адукацыі;

- сектараў педагагічнай практыкі сярэдніх спецыяльных устаноў культуры.

Адкрыты фармат фестывалю-конкурсу дазваляе прымаць удзел салістам і ансамблям Гродзенскай вобласці, іншых рэгіёнаў Рэспублікі Беларусь.

7. Конкурс праводзіцца па наступных намінацыях:

7.1.  «Саліст»:

«Фартэпіяна»;

«Струнныя смычковыя інструменты (скрыпка, віяланчэль)»;

«Народныя інструменты (баян, акардэон, цымбалы, балалайка, домра-мандаліна, гітара)»;

 «Духавыя і ўдарныя інструменты»; 

7.2. «Ансамбль»:

7.2.1. склад да 5 чалавек навучэнцаў;

7.2.2. дазваляецца ўдзел канцэртмайстра.

8. Для намінацыі «Саліст» вызначаюцца наступныя ўзроставыя групы:

малодшая група (да 9 гадоў уключна);

сярэдняя група (да 12 гадоў уключна);

старэйшая група (да 16 гадоў уключна). 

9. Узрост удзельнікаў вызначаецца на дату правядзення фестывалю-конкурсу.

10. Праграмныя патрабаванні:

удзельнікі фестывалю-конкурсу ў намінацыі «Саліст» выконваюць па аднаму твору беларускага кампазітара ці твор на беларускую народную тэму;

у намінацыі «Ансамбль» дазваляецца выкананне двух твораў (адзін – абавязкова беларускага аўтара, другі – на беларускую тэму). Агульнае гучанне праграмы – да 4 хвілін.

Узровень конкурснай праграмы павінен адпавядаць узросту ўдзельніка і статусу фестывалю-конкурсу.

Выкарыстанне фанаграм у намінацыі «Саліст» і намінацыі «Ансамбль» забараняецца.

11. Праграма фестывалю-конкурсу прадугледжвае цырымонію адкрыцця, конкурсныя праслухоўванні, цырымонію ўзнагароджвання і закрыцця фестывалю-конкурсу.

12. Для непасрэднага кіраўніцтва арганізацыяй і правядзеннем фестывалю-конкурсу ствараецца арганізацыйны камітэт (далей – аргкамітэт) (Дадатак 1 да сапраўднай Інструкцыі).  

12.1. Аргкамітэт ажыццяўляе:

арганізацыю і правядзенне фестывалю-конкурсу;

узаемадзеянне з іншымі арганізацыямі па пытаннях арганізацыі і правядзення фестывалю-конкурсу;

асвятленне ў сродках масавай інфармацыі.

12.2. Аргкамітэт мае права прымаць рашэнне аб змене фармату правядзення фестывалю-конкурсу.

13. Урачыстае адкрыццё фестывалю-конкурсу, конкурсныя праслухоўванні і цырымонія закрыцця і ўзнагароджвання пераможцаў адбудуцца 12 сакавіка 2022 года ў канцэртнай зале УА «Гродзенскі дзяржаўны музычны каледж» па адрасе: г. Гродна, прасп. Я.Купалы, 53.

Аб часе правядзення ўдзельнікі будуць інфармаваны пазней.

14. Для ўдзелу ў фестывалі-конкурсе неабходна да 15 лютага 2022 года падаць ў аргкамітэт наступныя дакументы:

заяўку на ўдзел ў фестывалі-конкурсе па форме згодна Дадатак 2  да сапраўднай  Інструкцыі (дадаткова заяўка адпраўляецца на электронны адрас dms1-festival@mail.ru у фармаце «Word»);

копію  пасведчання аб нараджэнні ўдзельніка фестывалю-конкурсу;

квітанцыю аб аплаце ўступнага ўзносу за ўдзел у фестывалі-конкурсе.

Уступны ўзнос за ўдзел у фестывалі-конкурсе складае:

у намінацыі  «Саліст» – 28 (дваццаць восем) беларускіх рублёў;

у намінацыі «Ансамбль» – 14 (чатырнаццаць) беларускіх рублёў з кожнага з удзельнікаў.

Уступны ўзнос пералічваецца на рахунак ДУА «Дзіцячая музычная школа мастацтваў № 1 імя Ю.У.Семянякі г. Гродна».

Банкаўскія рэквізіты: BY81 AKBB 3642 0000 0508 0000 0000. ГАУ № 400 ААТ «АСБ Беларусбанк», УНП 500044378, БІК AKBBBY2X. Адрас: 230011, г. Гродна, вул. Новакастрычніцкая, 5. Прызначэнне плацяжу: уступны ўзнос для ўдзелу ў фестывалі-конкурсе беларускай музыкі (у дужках указваецца намінацыя).

Удзельнік фестывалю-конкурсу аплачвае ўсе банкаўскія выдаткі, звязаныя з пералічэннем грошай арганізатарам фестывалю-конкурсу.

У выпадку няяўкі ўдзельніка на фестываль-конкурс уступны ўзнос не вяртаецца.

Рэшту сродкаў ад правядзення фестывалю-конкурсу накіраваць на ўмацаванне матэрыяльна-тэхнічнай базы школы.

15. Дакументы, прадугледжаныя п. 14 сапраўднай  Інструкцыі, накіроўваюцца па адрасе: Рэспубліка Беларусь, 230025, г. Гродна, вул. Кірава, 40.

16. Кантактныя тэлефоны аргкамітэта фестывалю-конкурсу: (8 0152)62 59 57, (+375 29) 587 81 42.

17. Матэрыялы, прадстаўленыя з парушэннем патрабаванняў, устаноўленых п. 14 сапраўднай  Інструкцыі, а таксама дакументы, якія паступілі пазней 15 лютага 2022 года, да разгледжання не прымаюцца. Матэрыялы, накіраваныя для ўдзелу ў конкурсе, не вяртаюцца.

18. Удзельнікі конкурсу прыбываюць на конкурс з сваімі канцэртмайстрамі.

19. Замена заяўленых у праграме твораў не дапускаецца. Усе творы выконваюцца на памяць.

20. Парадак выступленняў устанаўліваецца па даце нараджэння ўдзельніка на аснове прынцыпу ўзрастання. Выкананне твораў ажыццяўляецца публічна.

21. Для ацэнкі выкананняў удзельнікаў конкурсу загадам аддзела культуры Гродзенскага гарадскога выканаўчага камітэта зацвярджаецца склад (склады) журы конкурсу (далей – журы).

Склад журы конкурсу фарміруецца з ліку дзеячаў культуры і мастацтва Рэспублікі Беларусь і Гродзенскай вобласці, педагагічных работнікаў устаноў адукацыі ў сферы музычнага мастацтва.

Журы:

ацэньвае выступленні ўдзельнікаў фестывалю-конкурсу;

вызначае пераможцаў і ўладальнікаў дыпломаў у кожнай узроставай групе і намінацыі і дае іх спіс у аргкамітэт для ўзнагароджання;

інфармуе ўдзельнікаў пра вынікі іх удзелу ў фестывалі-конкурсе;

разглядае звароты ўдзельнікаў фестывалю-конкурсу па выніках ацэнкі выкананняў.

Журы аценьвае выступленні па 5-цібальнай сістэме па кожнаму з наступных крытэрыяў:

1) узровень выканальніцкага майстэрства;

2) ступень складанасці выконваемага твора;

3) арыгінальнасць інтэрпрэтацыі;

4) артыстызм;

5) сцэнічная культура.     

Выніковая адзнака не можа перавышать 25 балаў.

22. Падвядзенне вынікаў фестывалю-конкурсу ажыццяўляецца журы па кожнаму з удзельнікаў. Член журы, які падрыхтаваў удзельніка фестывалю-конкурсу, не прымае ўдзел у ацэньванні выканання дадзенага ўдзельніка.

У выпадку роўнасці галасоў меркаванне старшыні журы з'яўляецца вызначальным. Рашэнні журы з'яўляюцца канчатковымі і перагляду не падлягаюць.       

23. Пераможцы фестывалю-конкурсу ўзнагароджваюцца памятнымі статуэткамі і дыпломамі I, II і III ступені з прысваеннем звання лаўрэата і ўручэннем каштоўных прызоў у кожнай намінацыі і ўзроставай групе.

Журы мае права прысудзіць спецыяльныя дыпломы «Надзея» без уручэння каштоўных прызоў.

Для абсалютных пераможцаў фестывалю-конкурсу засноўваецца Гран-пры з уручэннем каштоўнага прыза.

Журы мае права ў межах сродкаў прызавога фонду прысудзіць у адной намінацыі і ўзроставай групе некалькі дыпломаў II і III ступені, прысуджаць не ўсе дыпломы і каштоўныя прызы.

24. Усім удзельнікам конкурсу ўручаецца грамата за ўдзел.

25. Для пераможцаў фестывалю-конкурсу ўстанаўліваюцца наступныя памеры кошту каштоўных прызоў:

        Лаўрэаты I ступені – да 3 базавых велічынь;

        Лаўрэаты II ступені – да 2 базавых велічынь;

        Лаўрэаты III ступені – да 1 базавай велічыні.

Пераможца "Гран-пры" узнагароджваецца каштоўным прызам у памеры кошту да 4 базавых велічынь.

26. Педагагічныя работнікі (настаўнікі, канцэртмайстры), якія падрыхтавалі лаўрэатаў і дыпламантаў фестывалю-конкурсу, узнагароджваюцца граматамі.

27. Вынікі фестывалю-конкурсу будуць размешчаны на афіцыйным сайце ДУА «Дзіцячая музычная школа мастацтваў № 1 імя Ю.У.Семянякі г. Гродна» http://music-school.by/.

28. Узнагароджанне пераможцаў і іншых удзельнікаў фестывалю-конкурсу праводзіцца ва ўрачыстай абстаноўцы.

29. Фінансаванне расходаў па арганізацыі і правядзенні фестывалю-конкурсу ажыццяўляецца за кошт бюджэтных і пазабюджэтных сродкаў, а таксама сродкаў з іншых крыніц, не забароненых заканадаўствам Рэспублікі Беларусь.

30. Фінансаванне расходаў на праезд, пражыванне і харчаванне ўдзельнікаў фестывалю-конкурсу, іх настаўнікаў і канцэртмайстраў ажыццяўляецца накіроўваючым бокам.  

 

  Дадатак 1

Склад арганізацыйнага камітэта

IX адкрытага гарадскога дзіцячага

фестывалю-конкурсу беларускай музыкі

ЕРАМІНОВІЧ

Галіна Міхайлаўна

- намеснік начальніка аддзела культуры   Гродзенскага гарадскога выканаўчага камітэта

ЛАКЦЕВІЧ

Таццяна Васільеўна

- галоўны спецыяліст  аддзела культуры   Гродзенскага гарадскога выканаўчага камітэта

ПАПЛАЎСКАЯ

Вікторыя Віктараўна

 

- намеснік кіраўніка дзяржаўнай установы «Гродзенскі гарадскі цэнтр для забеспячэння дзейнасці бюджэтных арганізацый»

САРАСЕК

Ганна Паўлаўна

- дырэктар установы адукацыі «Гродзенскі дзяржаўны музычны каледж»

РАБРЫНА

Наталля Аляксандраўна

- дырэктар дзяржаўнай установы адукацыі «Дзіцячая музычная школа мастацтваў № 1 імя Ю.У.Семянякі г. Гродна»

ХУДЫК

Вікторыя Юр’еўна

 

- намеснік дырэктара па выхаваўчай рабоце дзяржаўнай установы адукацыі «Дзіцячая музычная школа мастацтваў № 1 імя Ю.У.Семянякі г. Гродна»

                                                                                                       

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Дадатак 2

 

  ЗАЯЎКА

на ўдзел у IX адкрытым гарадскім дзіцячым фестывалі-конкурсе беларускай музыкі  

ў намінацыі                                                                                  

 

 

п/п

Прозвішча,

імя ўдзельніка (аў) (цалкам), інструмент

Дата нараджэння, узроставая група

Поўная назва і адрас навучальнай установы, кантактныя тэлефоны,

e-mail

Прозвішча, імя, імя па бацьку настаўніка(аў), канцэртмайстра (аў), кантактныя тэлефоны

Конкурсная праграма (дакладна ўкажыце імя і прозвішча кампазітара; назву твора з указаннем танальнасці, № часткі, опусу) 

Час гучання праграмы

1.

 

 

 

 

 

 

 

 

 

 

 

 

 

 

 

 

 

 

Кіраўнік установы                                                                                                                    

                                                                     Подпіс                                                                

                                                                                                                                                                      М.П. 

 

 

 

Інструкцыя IX адкрытага гарадскога дзіцячага фестывалю-конкурсу беларускай музыкі.pdf

ЗАЯЎКА .docx